Kitchen-Banana Yoshimoto

Ska vend në botë që të më pëlqejë më shumë se kuzhina... Kështu nis romani i Banana Yoshimoto-s, Kitchen, që pas përkthimit të botimit të parë është përkthyer në shumë gjuhë dhe madje ka fituar dy prej çmimeve letrare më prestigjioze në Japoni, duke u ngjitur në majë të listës së bestsellerëve, ku qëndroi për më shumë se një vit dhe u shit në miliona kopje.

Kitchen fokusohet te vetmia e të rinjve, ka një origjinalitet tërheqës, që vë pranë njëri-tjetrit tregime për nënat, transeksualitetin, kuzhinat, dashurinë, tragjedinë dhe gjithçka tjetër që endet në mendjet e dy të rinjve të çiltër në Japoninë bashkëkohore. Të shprehura me një stil tekanjoz, që të kujton Margaret Dyranë e hershme, Kitchen dhe Moonlight Shadow janë rrëfime elegante, thjeshtësia në dukje e të cilave është një dredhi e një tregimtari mjeshtëror. Përmes tyre Banana Yoshimoto i është imponuar vëmendjes së publikut europian, duke zbuluar një pamje të Japonisë krejtësisht të panjohur për perëndimorët, me një gjuhë mjaft të gjallë e origjinale, që synon të jetë një përpunim letrar i stilit të tregimeve vizatimore manga. Rrëfimet e Yoshimoto-s përfshijnë nga njëra anë disa tema, situata ekstravagante a paradoksale, ambiguitetin e një realiteti në kufi të fatashkencës dhe nga ana tjetër, nuk i lënë hapësirë komentit me anë të mirëvendosjes së imazheve dhe pasazheve.

Të dhëna