Autostrada Linkoln-Amor Towles

Shkrimtari i suksesshëm i librit “Një xhentëlmen në Moskë” dhe mjeshtri i letërsisë gjithëpërfshirëse dhe të sofistikuar rikthehet me një roman stilistik të mrekullueshëm. Në qershor të vitit 1954, tetëmbëdhjetëvjeçari Emet Uotson kthehet në shtëpi pasi ka vuajtur një dënim prej pesëmbëdhjetë muajsh për vrasje pa paramendim. Pa prindërit dhe me fermën e familjes të konfiskuar nga banka, Emeti vendos të marrë vëllanë tetëvjeçar dhe të nisin një jetë të re në Kaliforni.

Pas largimit të gardianit i cili e shoqëroi në shtëpi, Emeti zbulon se dy shokë të tij nga qendra e riedukimit ishin fshehur në kamionçinën e gardianit dhe kishin bërë një plan krejt ndryshe për të ardhmen e Emetit, një plan që do t’i çojë të gjithë në një rrugëtim tjetër, të paharrueshëm.

Ngjarjet zhvillohen në dhjetë ditë dhe tregohen nga këndvështrime të ndryshme, duke e njohur lexuesin me peizazhe të pasura, karaktere të pashlyeshme dhe tematika të veçanta.